პროექტი "სოკოს ქვეშ"

წმინდა გაბრიელ ეპისკოპოსის სახელობის წყალტუბოს სასულიერო გიმნაზიის პედაგოგის ფიქრია კვაბზირიძის სასწავლო პროექტის გეგმა

პროექტის თემა:  „სოკოს ქვეშ“

მნიშვნელობა და აქტუალობა: მოსწავლეებში დახმარებისა და მეგობრობის გრძნობის გაღვივება.

მიზანი და შედეგი: მოსწავლეები სათანადო ინტონაციით გადმოსცემენ მცირე ზომის ნაცნობ ტექსტს, თოჯინების დახმარებით მოგვითხრობენ საინტერესო ამბავს სხვადასხვა პერსონაჟების მონაწილეობით, დაფიქრდებიან მეგობრობისა და ურთიერთდახმარების მნიშვნელობაზე. 

• ·         განარჩევს ტექსტში ავტორისა და პერსონაჟების სიტყვებს;
• ·         განარჩევს დიალოგსა და თხრობას.
• ·         თავისუფლად კითხულობს მცირე ზომის ნაცნობ ტექსტს;
• ·         წინადადების დასრულებას გამოხატავს შესაბამისი ინტონაციით.

      რესურსი: მაგნიტოფონი, მუს. დისკი, ხელნაკეთი თოჯინები, დეკორაცია თოჯინების  

                     თეატრისთვის.

სამიზნე ჯგუფი: მე-2 კლასი

დრო: 7 დღე (10-18 აპრილი)

პროექტის ავტორი: ფიქრია კვაბზირიძე

პროექტის მსვლელობა:

I ეტაპი: (დღე 1-ლი, 10.04) იაპონური ზღაპრის „სოკოს ქვეშ“ გაცნობა, განხილვა, დასწავლა.

II ეტაპი:  (დღე მე-2, 11.04) ნაწარმოების მიხედვით როლების განაწილება, ვარჯიში როლურ კითხვაში.

III ეტაპი:  (დღე მე-3, 12.04) მასწავლებლის დახმარებით საჭირო დეკორაციის, აპლიკაციების, აფიშის, მოსაწვევების დამზადება.

IV ეტაპი:  (დღე მე-4, 15.04) მუსიკალური ნომრების შერჩევა-დამუშავება.

V ეტაპი:  (დღე მე-5, 16.04) აფიშის გაკვრა, მოსაწვევების დარიგება.

VI ეტაპი:  (დღე მე-6, 17.04) „სცენის“ მომზადება, რეპეტიცია.

VII ეტაპი:  (დღე მე-7, 18.04) ჩატარებული მუშაობისა და თოჯინების თეატრის სპექტაკლის  წარდგენა.